kievs.com.ua

muk
Поиск по сайту
Поиск по каталогу

Каталог продуктов и сервисов



MUK International: Беларусь

МУК-Камп’ютарс, лакальнае прадстаўніцтва групы кампаній МУК у Рэспубліцы Беларусь, было адкрыта ў лістападзе 2011 года

Падчас работы былі падпісаны кантракты з вядучымі вытворцамі сусветнай ІТ-індустрыі – AEG, Arista, Autodesk, Brickcom, Bitdefender, EMC, е.НОТ, Extreme Networks, Gigamon, Grandstream, IBM, Infinidat, InFocus, InfoWatch, IXIA, Juniper Networks, KUB, Ivanti,  NetApp, Qihan, Radware, StarWind, Tripp Lite, Unify, VCE, Veeam, VMware, Ysoft, Zyxel, Zimbra. Акрамя гэтага, кампанія актыўна развівае партнёрскую сетку па ўсёй тэрыторыі краіны, што дало магчымасць павысіць аб’ёмы продажаў і прыняць удзел у цэлым шэрагу цікавых праектаў для арганізацый розных сфер дзейнасці.

Адным з такіх стаў праект для буйной рознічнай сеткі, які ўключае шматузроўневае сховішча даных на базе сістэм захоўвання EMC VNX як для цэнтральнага офіса, так і для разгалінаванай сеткі рэстаранаў. Гэтыя ўніфікаваныя СЗД прапаноўваюць бескампрамісную маштабаванасць і гібкасць, маючы максімальную прастату і эфектыўнасць для мінімізацыі сукупнага кошту валодання. Яны прадастаўляюць заказчыкам аптымальнае спалучэнне флэш-дыскаў, ёмістасці і праграмнага забеспячэння, спецыяльна распрацаванага з улікам патрабаванняў дадаткаў. У аснове EMC VNX ляжыць модульная архітэктура, якая забяспечвае інтэграцыю апаратных кампанентаў для захоўвання блокаў, файлаў і аб’ектаў з падтрымкай пратаколаў NAS, iSCSI, Fibre Channel і FCoE. Сістэмы выкарыстоўваюць патэнтаванае аперацыйнае асяроддзе СХД MCx для шмат’ядзерных працэсараў, якое забяспечвае беспрэцэндэнтную эфектыўнасць работы.

Акрамя таго, у рамках гэтага праекта была рэалізавана і сістэма рэзервовага капіравання і аднаўлення даных на базе рашэння EMC Data Domain. Гэтыя сістэмы захоўвання прадастаўляюць рэвалюцыйныя магчымасці рэзервовага капіравання, архівіравання і аварыйнага аднаўлення дзякуючы высакахуткаснай дэдуплікацыі “на ляту”. Кансалідацыя даных дазваляе знізіць патрабаванні да ёмістасці СХД у 10-30 разоў. Гэта робіць захоўванне інфармацыі даволі эканамічным. СЗД працуюць на базе аперацыйнай сістэмы Data Domain OS, дзякуючы якой забяспечваецца маштабуемая і эфектыўная абарона даных для дадаткаў рэзервовага капіравання, архівіравання і аднаўлення.

Работа з партнёрамі

Кампанія “МУК-Камп’ютарс” пры пашырэнні рашэнняў вендараў на рынку ўдзяляе асаблівую ўвагу навучанню партнёраў і заказчыкаў, праводзячы розныя мерапрыемствы – прэзентацыі новых прадуктаў, навучальныя семінары і г. д.

За мінулы год кампанія прыняла ўдзел у цэлым шэрагу значных для беларускага ІТ-рынку мерапрыемстваў. У прыватнасці, варта адзначыць адну з буйнейшых бізнес-падзей Рэспублікі Беларусь – міжнародны форум “БанкІТ”, які асвятляе найноўшыя тэндэнцыі і тэхналогіі ў галіне мадэрнізацыі і развіцця банкаўскага бізнесу з дапамогай ІТ-рашэнняў. У рамках мерапрыемства “МУК-Камп’ютарс” падрыхтавала некалькі дакладаў, прысвечаных рашэнням EMC у галіне Software Defined Storage (SDS), новай лінейцы крыніц бесперабойнага сілкавання PROTECT BLUE ад AEG Power Solutions, а таксама прадуктам Veeam. Акрамя гэтага, кампанія прадставіла дэманстрацыйны стэнд, на якім паказала сістэму захоўвання EMC VNX5200, КБС AEG PROTECT B.PRO і рашэнні рэзервовага капіравання Veeam.

Сумесна з ЗАТ “НВП БЕЛСОФТ” і кампаніямі EMC і VMware быў арганізаваны семінар “Пабудова эфектыўнай ІТ-інфраструктуры прадпрыемства на базе рашэнняў EMC і Vmware”. Інжынеры “МУК-Камп’ютарс” расказалі прысутным пра прадукты кампаніі VMware. У прыватнасці, пра навінкі шостай версіі VMware vSphere, пра рашэнне для аптымізацыі працоўных месцаў VMware Horizon з падтрымкай vGPU, а таксама пра тое, як павысіць эфектыўнасць эксплуатацыі віртуальнай і воблачнай інфраструктуры пры дапамозе VMware vRealize Operations Insight. У сваю чаргу, тэхнічныя спецыялісты ЕМС падрыхтавалі даклады аб перавагах для заказчыкаў федэрацыі ЕМС, Flash-тэхналогіях новага пакалення, Праграмна-вызначальных сістэмах захоўвання, а таксама аб падыходах кампаніі да абароны даных.

Яшчэ адзін сумесны семінар з кампаніяй ЕМС “МУК-Камп’ютарс” правяла ў Мінску. Галоўным чынам мерапрыемства было прысвечана партнёрству з ЕМС у 2015 годзе. Прадстаўнікі кампаніі расказалі пра тое, як працуе аддзел ЕМС, а таксама закранулі пытанні ўзаемадзеяння з партнёрамі.

Вельмі плённым у мінулым годзе аказалася супрацоўніцтва “МУК-Камп’ютарс” з кампаніяй Veeam Software. Пра гэта сведчаць праведзеныя сумесныя мерапрыемствы – напрыклад, семінар, прысвечаны навінкам свежай рэдакцыі Veeam Availability Suite v9. Акрамя таго, падчас сустрэч прадстаўнікі Veeam расказалі і пра абноўленую партнёрскую праграму ProPartner. Пакету Availability Suite быў прысвечаны і трэнінг на тэму “Адміністраванне Veeam Availability Suite”, які прайшоў у Мінску і быў прызначаны для навучання сістэмных адміністратараў і інжынераў, персаналу службы тэхнічнай падтрымкі, кансультантаў, адміністратараў рэзервовага капіравання і іншых спецыялістаў, якія займаюцца ўстаноўкай, канфігураваннем і адміністраваннем прадукту.

Варта таксама адзначыць і сумеснае партнёрскае мерапрыемства “Віртуалізацыя працоўных месцаў: новая прыступка эфектыўнасці бізнесу”, арганізаванае сумесна з Veeam і Dell Wyse. Акрамя агляду функцыянальнасці Veeam Availability Suite і партнёрскай праграмы ProPartner, прысутныя змаглі азнаёміцца з новымі магчымасцямі VDI ад Dell для заказчыкаў і партнёраў. Яны дазволяць абараніць важную інфармацыю, скараціць час і кошт кіравання працоўнымі месцамі, аказваць падтрымку шырокай кліенцкай базе, а таксама павысіць прадукцыйнасць і мабільнасць супрацоўнікаў.


Абсталяванне для тэстаў

На складзе кампаніі для партнёраў даступны набор дэма-абсталявання для тэсціравання:

  • Сістэмы захоўвання EMC VNX 5200;
  • Відэакамеры Brickcom;
  • Тэлефанія Unify;
  • Тэлефанія Grandstream;
  • Сістэмы ВКС Grandstream.

Асартымент дэма-абсталявання пастаянна абнаўляецца і папаўняецца.


Кантакты:

МУК-Камп'ютэрс

Рэспубліка Беларусь, г. Мінск, Пр. Дзяржынскага, 104, блок А, офic. 1505, 220116

Тэлефон: +375 (17) 336-98-97

Факс: +375 (17) 336-98-96

E-mail: office@muk.by

www.muk.by





Следите за нами в социальных сетях —